Amalga oshirilgan ishlar natijasida hozirgi kunda Geografik obyektlar nomlarining davlat reyestrida maʼlumotlar bazasida 166 500 ta geografik obyektlarning nomlari jamlangan bo‘lib, shundan:

Maʼmuriy-hududiy birliklar nomlari 2 817 tani;
Aholi punktlari va ularning tarkibiy qismlari nomlari 156 011 tani;
Transport va muhandislik-texnika infratuzilmasi obyektlari nomlari 2 077 tani;
Tabiiy obyektlar nomlari 5 585 tani tashkil qilmoqda.

Shu bilan birga, o‘tgan yili 🇺🇿Respublika bo‘yicha o‘tkazilgan xatlov natijasida 10 mingdan ortiq nomsiz ko‘chalar aniqlanib, ularga nom berish bo‘yicha takliflar davlat ekspertizasidan o‘tkazildi va aksariyat viloyatlarda xalq deputatlari tuman, shahar Kengashlarining qarorlari qabul qilinishi va maʼlumotlarni davlat reyestriga kiritilishi taʼminlandi.